Հավելվածում առկա է եռալեզու ուղեցույց, որը կհուշի՝ ինչպես այն օգտագործել
ԵՐԵՎԱՆ, 19 հունիսի․/ԱՌԿԱ/․ Եթե նկարել եք թերություններ ՀՀ հանրապետական և միջպետական նշանակության ճանապարհներին, ապա Arm Roads Info բջջային հավելվածի միջոցով կարող եք այդ մասին տեղեկացնել պատասխանատուներին, և կարճ ժամկետում այդ թերությունները կվերացվեն, հայտնում է Ճանապարհային դեպարտամենտը։
Arm Roads Info («Ճանապարհների տեղեկատու») բջջային հավելվածը կարող եք ներբեռնել PlayMarket-ում և AppStore-ում։
Հավելվածում առկա է եռալեզու ուղեցույց, որը կհուշի՝ ինչպես այն օգտագործել։
Պարզապես ճանապարհահատվածում, որտեղ արձանագրել եք թերություն, կատարեք տեղորոշում, լուսանկար, կցեք այն, նշեք մեկնաբանություն, ձեր էլ. հասցեն և սեղմեք «Հաստատել» կոճակը։
Ճանապարհային դեպարտամենտից նաև հայտնում են, որ հավելվածը նաև տեղեկատվական հարթակ է։ Այն կծանուցի ընթացիկ շինաշխատանքների, ճանապարհների անցանելիության, շրջանցիկ ճանապարհների մասին։