Իրանը խաղաղությունը չի համարի ավարտված, քանի դեռ Իսրայելը իր զորքերը դուրս չի բերել Լիբանանից, հայտարարել է Իրանի արտաքին գործերի նախարարության խոսնակ Էսմայիլ Բաղային։
«Փաստաթուղթը պարունակում է Լիբանանի ինքնիշխանությունն ու տարածքային ամբողջականությունը երաշխավորելու պարտավորություն։ Սա նշանակում է, որ օկուպացիոն ուժերը պետք է լքեն Լիբանանի հողը։ Մենք պատրաստ ենք պատերազմի ավարտին, բայց այն չի ավարտվի այնքան ժամանակ, քանի դեռ սիոնիստական թշնամին մնում է այնտեղ», – ասել է Իրանի ԱԳՆ խոսնակը լիբանանյան «Ալ Ագբար» թերթին տված հարցազրույցում։
Բաղային նշել է, որ Իրանը չի փոխի իր դիրքորոշումը Իսրայելի նկատմամբ, բայց խոստանում է թշնամական գործողություններ չձեռնարկել նրա դեմ, պարտավորություն, որը տարածվում է նաև Իրանի դաշնակիցների վրա արտասահմանում։
«Փաստաթղթում Իսրայելը չի հիշատակվում, և մեր դիրքորոշումը հանցավոր ռեժիմի նկատմամբ մնում է անփոփոխ։ Սակայն համաձայնագրում խոսվում է մի կողմից Միացյալ Նահանգների և նրա դաշնակիցների, մյուս կողմից՝ Իրանի և նրա դաշնակիցների միջև պատերազմի ավարտի մասին», – ընդգծել է նա։