«Սիրիուս Կապիտալ» ՓԲԸ-ն նախատեսում է հրապարակային առաջարկի միջոցով տեղաբաշխել «Նյու Էյջ Քոնսթրաքշն» ՍՊԸ–ի» անվանական արժեկտրոնային ոչ փաստաթղթային պարտատոմսեր
ԵՐԵՎԱՆ, 17 հունիսի․/ԱՌԿԱ/․ 2026 թվականի հունիսի 22-ից մինչև 2026 թվականի հոկտեմբերի 30-ը ներառյալ «Սիրիուս Կապիտալ» ՓԲԸ-ն նախատեսում է հրապարակային առաջարկի միջոցով տեղաբաշխել «Նյու Էյջ Քոնսթրաքշն» ՍՊԸ–ի » (New Age Construction) անվանական արժեկտրոնային ոչ փաստաթղթային պարտատոմսեր։
Ընկերության կայքում հրապարակված տեղեկատվության համաձայն, ընդհանուր ծավալը կազմում է 1 մլրդ ՀՀ դրամ։
«Նյու Էյջ Քոնսթրաքշն» ՍՊԸ անվանական արժեկտրոնային պարտատոմսերի ծրագրային ազդագիրը ՀՀ ԿԲ-ի կողմից գրանցվել է 2026 թվականի մայիսի 20-ի թիվ 1/218Ա որոշմամբ։
Ներդրողները ծրագրային ազդագրի տպագիր տարբերակը կարող են ձեռք բերել «Սիրիուս Կապիտալ» ՓԲԸ գլխամասային գրասենյակում՝ Էրեբունի Պլազա, Վ. Սարգսյան փող. 26/1, 812, Երևան 0010։
«Նյու Էյջ Քոնսթրաքշն» ՍՊԸ-ն նախկինում ևս միջոցներ է ներգրավել Հայաստանի կապիտալի շուկայում պարտատոմսերի թողարկման միջոցով։ Մասնավորապես, 2025 թվականին «Սիրիուս Կապիտալի» միջոցով ընկերությունը տեղաբաշխել է 1,5 միլիարդ դրամ ծավալով անվանական արժեկտրոնային պարտատոմսեր։ Տվյալ թողարկման ծրագրային ազդագիրը գրանցվել է Հայաստանի Կենտրոնական բանկի կողմից 2025 թվականի հուլիսի 16-ի թիվ 1/238 Ա որոշմամբ։