ԱՄՆ-ի հյուսիս-արևմուտքում՝ Վաշինգտոն նահանգի Յակիմա շրջանում, ռազմական ինքնաթիռ է կործանվել։ Այս մասին հայտնում է Fox News-ի տեղական բաժանմունքը։
Նշվում է, որ օդաչուն հասցրել է կատապուլտացվել և տեղափոխվել է հիվանդանոց։ Ավիավթարի պատճառները դեռևս չեն հրապարակվել։
Ինքնաթիռը կործանումից հետո բռնկվել է։ Դեպքի վայրի հարևանությամբ գտնվող Ռիմրոք լճի շրջանից փրկարարները տարհանել են հանգստացողներին։
Հրդեհը մարելու նպատակով դեպքի վայր են ուղարկվել հրշեջ-փրկարարական ստորաբաժանումներ։
—00—ՍՊ