«Քաղաքացիական պայմանագիր» խմբակցության պատգամավորները պնդում են, թե իրենց համար 100 տոկոսով կանխատեսելի էր ընտրությունների ապալեգիտիմացման գործընթացը, որը սկսվեց քվեարկության ավարտից անմիջապես հետո. «Մենք, իհարկե, որևէ թվանկարչությամբ չենք զբաղվել, և նրանց այդ բոլոր արտահայտություններն ու հայտարարությունները որևէ հիմք չունեն, որովհետև բազմաթիվ միջազգային դիտորդներ են եղել Հայաստանի Հանրապետությունում»։
Այս մասին հիշատակմանն ի պատասխան՝ «Առավոտի» «Առերեսում» հաղորդաշարի հյուրը՝ «Բոլորին դեմ եմ» կուսակցության ցուցակի 5-րդ համար Միքայել Նահապետյանն ասաց. «Ընտրությունների արդյունքները նկարված չեն, սա հստակ է: Մենք կարող ենք ընկնել անլուրջ խոսակցությունների հետևից՝ այս տեղամասում բա ինչու են էս 42 քվեն ստեղ գրել, այնտեղ գրել»: Դա ծանրակշիռ խոսակցություն չի: Եվ եթե մենք գնում ենք ՔՊ-ին բռնացնելու այն դաշտում, որտեղ իր փաստարկներն համեմատաբար ուժեղ են, վերջում պարտված ենք դուրս գալիս: Ընտրությունների արդյունքները նկարված չէին նաև 2017 թվականին… Ես Վահագն Հովակիմյանի կազմակերպչական որակներին դեռ 2017 թվականից եմ ծանոթ: Այսպես ասենք, լավ ենք պրծել այս հետևանքների առումով»։
Անդրադառնալով ՔՊ-ի ստացած ձայներին՝ Միքայել Նահապետյանն ասաց. «Այդ մարդն հստակ գիտի, թե իր 720 000 ձայնի կառուցվածքն ո՛րն է, և հետևաբար՝ իր իրական լեգիտիմությունն ինչքան է: Այդտեղից էլ գալիս են իր այս հիստերիաները և ռեպրեսիվ ուղի բռնելու հայտարարությունները:
Այդ մարդն առաջին անգամ կյանքում տեսել է, «վայ, քու արա, բա մյուսին չկարողանամ այսքանն անեմ»:
Հաղորդումն ամբողջությամբ դիտեք 23.00-ին
Աննա ԻՍՐԱՅԵԼՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: