ԱՄՆ Արդարադատության նախարարության հակամենաշնորհային բաժինը հաստատել է ֆիլմարտադրող «Paramount» ընկերության կողմից «Warner Bros.»-ի 111 միլիարդ դոլարով ձեռքբերումը՝ վերացնելով միաձուլման ճանապարհին առկա հիմնական խոչընդոտը։
8 ամիս տևած վերանայումից հետո Արդարադատության նախարարությունը եզրակացրել է, որ հավանական չէ, որ միաձուլումը վնասի ամերիկացի սպառողներին, կարող է խթանել մրցակցությունը՝ ստեղծելով ավելի հզոր խաղացող հոսքային, հեռուստատեսային և կինոշուկաներում։ Գերատեսչություն վերանայել է ավելի քան երկու միլիոն փաստաթուղթ և չի պահանջել, որ կողմերը վաճառեն ակտիվներ կամ որևէ այլ զիջում անեն։
Երեք շաբաթ առաջ Paramount-ի գործադիր տնօրեն Դեյվիդ Էլիսոնը անձամբ պատասխանել է Արդարադատության նախարարության հակամենաշնորհային պաշտոնյաների հարցերին գրեթե երկու ժամ, մինչև նրանց մտահոգությունները չեն փարատվել։
Paramount-ի խոսնակը ողջունել է Արդարադատության նախարարության որոշումը՝ նշելով, որ գործարքը կստեղծի «ավելի ուժեղ ընկերություն, որն ավելի լավ դիրքերում կլինի մրցակցելու ոլորտի գերիշխող տեխնոլոգիական հարթակների հետ»։
Կալիֆոռնիայի գլխավոր դատախազ Ռոբ Բոնտան շարունակում է իր հետաքննությունը և կարող է դատական հայց ներկայացնել՝ միաձուլումը կանխելու համար:
Paramount-ը նշել է, որ միաձուլումը օգտակար կլինի մրցակցության համար. միավորված ընկերությունը կկարողանա մրցակցել Netflix-ի հետ, մեծացնել կինոթատրոններում տարածումը և ներդրումներ կատարել կինոարտադրության մեջ: Սակայն Հոլիվուդը վախենում է, որ Paramount-ը կկրճատի ծախսերը, ինչը իրականում կհանգեցնի զանգվածային կրճատումների, ստեղծագործողների համար ավելի քիչ հնարավորությունների և լրատվամիջոցների մենաշնորհների ձեռքում իշխանության ավելի մեծ կենտրոնացման։
Գործարքը համաձայնեցվել է այն բանից հետո, երբ Paramount-ը Netflix-ին հաղթել է «Warner Bros.»-ի բաժնետոմսերի համար: Ակնկալվում է, որ այն կավարտվի տարեվերջին՝ բաժնետերերի և կարգավորող մարմինների հաստատմանը սպասելով։