Երևանի քաղաքապետ Տիգրան Ավինյանը ԱԺ մշտական հանձնաժողովների համատեղ նիստում հայտնել է, որ Երևան քաղաքի 2025 թվականի բյուջեի փաստացի եկամուտները կազմել են 148 միլիարդ 517 միլիոն դրամ կամ 100,5%՝ ըստ կատարողականի, որից սեփական եկամուտները հավաքագրվել են 96 միլիարդ 596 միլիոն դրամի չափով։
«Կամ 9% գերակատարմամբ։ Սեփական եկամուտների փաստացի հավաքագրումն ավելի է 2024 թ. ցուցանիշից 25 միլիարդ 396 միլիոն դրամով։ Սա խոսում է վերջին տարիներին Երևան քաղաքի սեփական եկամուտների աճի կտրուկ տեմպի մասին»,- ասել է քաղաքապետը։
Նրա խոսքով՝ սա այն վարչարարության մասին է, որը Երևանի քաղաքապետարանն իրականացրել է տարբեր ոլորտներում և հավաքագրումների համար հնարավորություն է ստեղծել՝ մասնավորապես շինարարության ոլորտից և տարբեր այլ ոլորտներից, որոնք նախկինում եղել են կամ ստվերային դաշտում, կամ որևէ տուրքերով և հարկերով ծանրաբեռնված չեն եղել։