Եվրահանձնաժողովը Ռուսաստանի դեմ պատժամիջոցների 21-րդ փաթեթի նախագծում ներառել է Ռուս ուղղափառ եկեղեցու առաջնորդ պատրիարք Կիրիլին, քաղաքական գործիչ Վլադիմիր Մեդինսկուն, ինչպես նաև պետական խոշոր մարմինների և առևտրային ընկերությունների ղեկավարների, հայտնում է «Սիստեմա» հետաքննչական նախագիծը։
Պատրիարք Կիրիլի ներառումը փաստաթղթում բացատրվում է նրանով, որ հոգևոր առաջնորդն աջակցում է Ուկրաինայում ռուսական բանակի գործողություններին, իսկ Վլադիմիր Մեդինսկին համարվում է պետական քարոզչության առանցքային դեմքերից մեկը։
Իրավաբանական անձանց ցանկում են Մոսկվայի բորսան, «Սիստեմա» բաժնետիրական ֆինանսական կորպորացիան, «Ռոսսելխոզբանկը» և «ДОМ.РФ» բանկը։
Ցանկում կրկին ներառված են անձինք, որոնց ընդգրկումը պատժամիջոցների փաթեթում նախկինում քննարկվել էր, բայց չէր իրականացվել՝ ՖԻԴԵ-ի նախագահ Արկադի Դվորկովիչը, Ռուսաստանի ըմբշամարտի ֆեդերացիայի նախագահ Միխայիլ Մամիաշվիլին և Ռուսաստանի օլիմպիական կոմիտեի նախկին նախագահ Ստանիսլավ Պոզդնյակովը։
Նյութն ամբողջությամբ՝ սկզբնաղբյուր կայքում
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: