Փաստացի՝ Բաքվում ուղիղ խոսում են այն մասին, որ Փաշինյանն Ալիևի «մարդն է» Հայաստանում. Տաթևիկ Հայրապետյան

Պատմական գիտությունների թեկնածու, Ադրբեջանի հարցերով փորձագետ Տաթևիկ Հայրապետյանի տելեգրամյան գրառումը

«Եկեք անկեղծ լինենք՝ անխոս Ադրբեջանը շահագրգռված է Փաշինյանի և նրա կուսակցության հաղթանակի հարցում։ Նշանակում է՝ պետք են Փաշինյանին աջակցող որոշակի քայլեր, բայց որ դրանք չլինեն ակնհայտ, որ նրան չմեղադրեն պրոադրբեջանական դիրքորոշման մեջ, այլ որ ցույց տան, թե նրա քաղաքականությունը արդյունքներ է ունենում…», – ասում է ադրբեջանցի քաղաքական մեկնաբան Ազադ Իսազադեն իր հարցազրույցում։

Ես անգամ սա չեմ մեկնաբանի, կթողնեմ սա լսողները մեկնաբանեն։ Կարճ կասեմ՝ փաստացի ուղիղ խոսում են այն մասին, որ Փաշինյանը Ալիևի «մարդն է» Հայաստանում։ Թեև դա վաղուց ապացուցվել է հենց «Քանդենք պետությունը» կուսակցության ղեկավարի քայլերով։