Բաքվի դատարանը Արցախի չորրորդ նախագահ Արայիկ Հարությունյանին, Պաշտպանության բանակի նախկին հրամանատար Լևոն Մնացականյանին, ՊԲ հրամանատարի տեղակալ Դավիթ Մանուկյանին, Արցախի նախկին ԱԺ նախագահ Դավիթ Իշխանյանին, ԱՀ նախկին արտգործնախարար Դավիթ Բաբայանին դատապարտել է ցմահ ազատազրկման, իսկ Արցախի նախկին նախագահներ Արկադի Ղուկասյանն ու Բակո Սահակյանը՝ 20 տարվա ազատազրկման:
«ՉԻ». Այս առթիվ Հայաստանի «առաջատար» դեմքերը ինչ-որ կերպ պետք է արձագանքեն:
Ենթադրում ենք, որ Նիկոլ Փաշինյանը շաբաթ-կիրակի թմբուկ է խփելու Աբու-Դաբիի ջազ ակումբում:
Աննա Հակոբյանը, պարզ է, կներկայացնի իր զգեստների ձմեռ-գարուն-ամառ-աշուն «Էրատո» հավաքածուն:
Ռուբեն Ռուբինյանը կհայտարարի, որ զզվում է «Առավոտից», որովհետև վերջինս քննադատել է Բաքվի դատարանի որոշումը:
Վահագն Խաչատուրյանը շնորհակալություն կհայտնի Իլհամ Ալիևին, որ վերջինս ցմահ չի դատապարտել Արկադի Ղուկասյանին ու Բակո Սահակյանին:
Արամ Սարգսյանը այս վճռի ետևում կտեսնի Ռուսաստանի ստոր ականջները:
Տիգրան Խզմալյանը կհայտարարի, թե այս վճռից հետո Եվրամիությանը միանալն այլևս անշրջելի գործընթաց է:
Լևոն Շիրինյանը կնշի, որ բոլոր ռսահպատակների վերջը սա է լինելու:
Ռոբերտ Քոչարյանը կհայտարարի, որ բոլոր դեպքերում ինքն իրեն տեսնում է Հայաստանի վարչապետի պաշտոնում:
Արա Պապյանը այս վճիռը կչեղարկի Վուդրի Վիլսոնի քարտեզով:
Արուսյակ Ջուլհակյանը թարխուն ու ռեհան կաճեցնի իր տան բակում:
Իսկ Ալեն Սիմոնյանը թքած ունի Բաքվի դատարանի որոշման վրա: