Գագիկ Բեգլարյանը մեղադրանքը չի ընդունում
Նախկին քաղաքապետ, տրանսպորտի եւ կապի նախկին նախարար Գագիկ Բեգլարյանը անհիմն է որակում իրեն առաջադրված մեղադրանքը եւ չի ընդունում այն․ «Ա1+»-ի հետ զրույցում նշեց նրա պաշտպան Հրանտ Անանյանը։
Ըստ նրա՝ Գագիկ Բեգլարյանին մեղադրանք է առաջադրվել 2012 թ․ ենթադրյալ ապօրինի պաշտոնական դիրքի չարաշահման եւ առանձնապես խոշոր չափերի փողերի լվացման համար։
Պաշտպանի խոսքով՝ մեղադրանքի նկարագրության մեջ չկա այդպիսի բան եւ այն հորինված է։
Առաջիկա մեկ ժամվա ընթացքում Հակակոռուպցիոն դատարանում կսկսվի նախկին քաղաքապետի նկատմամբ խափանման միջոց ընտրելու վերաբերյալ դատական նիստը։
Հիշեցնենք, որ քննչական մարմնի կողմից միջնորդություն է ներկայացվել դատարան՝ Գագիկ Բեգլարյանին կալանավորելու վերաբերյալ։