«Ուժեղ Հայաստան» դաշինքի այսօրվա հանրահավաքում ուղիղ տեսակապով ելույթ ունեցավ նաև դաշինքի առաջնորդ Սամվել Կարապետյանը։ Նա նշեց, որ հունիսի 7-ից հետո յուրաքանչյուր հայ կապրի արժանապատիվ կյանքով․ «Այլևս ոչ մի նվաստացում Փաշինյանի և փոքրիկ խմբակի կողմից։ Հայ ժողովուրդը կկայացնի վերջին տասնամյակի ամենակարևոր որոշումներից մեկը։ Հայերը պետք է մասնակցեն ընտրություններին, որպեսզի ուրիշները մեր փոխարեն չորոշեն մեր ճակատագիրը։ Պատմությունը հունիսի 7-ը կհիշի որպես օր, երբ հայ ժողովուրդն ընտրություն կատարեց ապրել ուժեղ և ազատ Հայաստանում»։
«Մենք պետք է ցույց տանք, որ հայ ժողովուրդը հաղթել է իր վախերը, որ Ալիևն ու իր մարզպետը չեն կարողանում լուծել Հայաստանի խնդիրները։ Հունիսի 7-ին մենք միասին պատմություն ենք կերտելու, մենք պարտավոր ենք դա անել, որովհետև Հայաստանի գոյությունն է վտանգված։ Ցույց տվեք, որ Ադրբեջանը չի կարող լինել Հայաստանի խաղաղության երաշխավորը։ Հունիսի 7-ին հայերը պարտավոր են Ալիևին ուղարկել հստակ մեսիջ՝ մենք չենք նվաստանալու, մեր ղեկավարն արդեն ուժեղ է։ Փաշինյանին ուղարկելու ենք Ադրբեջան, թող գնա Նախիջևան, հետո Բաքու»,- ասաց նա։
Մանրամասները՝ տեսանյութում
Սամվել Կարապետյանի խոսքով՝ պետք է հաղթահարել պառակտվածությունը, վախերը, ամրապնդել եկեղեցին, ազգային արժեքները, մեր ինքնությունը․ «Մենք պետք է վերացնենք այն վախը, որը Փաշինյանի վարչակազմը սերմանել է մեր ժողովրդի մեջ։ Հայերն ուժեղ են, համարձակ են, հաղթելու են, փոփոխությունը սկսվելու է ձեր քվեից։ Հունիսի 7-ին միասնական լինելով՝ մենք կունենանք մնայուն և ուժեղ խաղաղություն, ոչ թե մեր շուրջը կլինի 300 000 ադրբեջանցի»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: