Ադրբեջանի արտաքին գործերի նախարար Ջեյհուն Բայրամովը հանդիպել է ՄԱԿ-ի գլխավոր քարտուղար Անտոնիո Գուտերեշի հետ՝ ՄԱԿ ԱԽ-ում «Միջազգային խաղաղության և անվտանգության պահպանում. ՄԱԿ-ի կանոնադրության նպատակների և սկզբունքների հարգում և միջազգային համակարգի ամրապնդում՝ ՄԱԿ-ի կենտրոնական դերի հիման վրա» թեմայով բաց քննարկմանը մասնակցելու շրջանակներում։
Այս տեղեկատվությունը տարածել է Ադրբեջանի արտաքին գործերի նախարարությունը։
Նշվում է, որ Գուտերեշը տեղեկատվություն է ստացել հետհակամարտական շրջանում տարածաշրջանում առկա իրավիճակի և իրողությունների, Ադրբեջանի և Հայաստանի միջև հարաբերությունների կարգավորման գործընթացի, վստահության ամրապնդման միջոցառումների վերաբերյալ։
Հանդիպման ընթացքում նաև մտքեր են փոխանակվել փոխադարձ հետաքրքրություն ներկայացնող այլ հարցերի շուրջ։