«100 հազար ծաղիկ երեկ մնացել է այսպես, վաղն էլ, մյուս օրն էլ են մնալու, ջերմոցները կանգնում են, գյուղերում մարդիկ, որոնք հույս ունեին՝ իրենց ապրանքը արտահանել, չեն կարողանալու, այս վիճակն է լինելու։ Մի անհաշվենկատ մարդ գնացել, աշխարհի թիվ մեկ մեծությամբ երկրի առաջնորդի մոտ ու չի կարողացել ճիշտ պայմանավորվել։ Փաշինյանի այցելությունն ու հարաբերությունների խզումը հյուսիսային երկրի հետ բերելու է այս պատկերին։ Խնդրում եմ՝ ուշադիր եղեք։ Նա կտրեց մեզ հայրենիքի եռամիասնությունից, վերցրեց Արցախը, այսօր իրական Հայաստանով կտրում է մեզ սփյուռքից և մեր տնտեսական գործընկերներից»,-Էջմիածնում «Ուժեղ Հայաստանի» քարոզարշավի ամփոփիչ հավաքի ժամանակ հայտարարեց «Ուժեղ Հայաստան» կուսակցության ցուցակի առաջին համար Նարեկ Կարապետյանը՝ էկրանին ցույց տալով այն ծաղիկները, որոնք ՌԴ-ն արգելել է Հայաստանից արտահանել։
Նա զգուշացրեց՝ էս տեսարանը վաղը մյուս արտադրողներին է կպնելու․ «Ընտրենք առաջնորդ, որը կկարողանա պայմանավորվել աշխարհի մեծերի հետ, որը փոքր քինախնդրությամբ չի փչացնի հարաբերությունները»։
Եզրափակելով ելույթը՝ Նարեկ Կարապետյանը հայտարարեց․ «Գնացեք ընտրության, որ սրանք գնան»։
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: