Իրանի և ԱՄՆ-ի միջև համաձայնագրի նախագծում առաջարկվում է վերացնել ԱՄՆ պատժամիջոցները՝ Թեհրանի կողմից որոշակի պայմանների կատարման դիմաց. հաղորդում է «Al Hadath» հեռուստաընկերությունը՝ հղում անելով իր կողմից ձեռք բերված փաստաթղթին։
Այնտեղ նշվում է, որ Վաշինգտոնը պատրաստ է աստիճանաբար վերացնել հակաիրանական սահմանափակումները՝ որպես ապագա համաձայնագրի մաս, սակայն Թեհրանը պարտավոր կլինի խստորեն պահպանել երկկողմ համաձայնագրի բոլոր պայմանները։
Հեռուստաալիքը պարզաբանել է, որ ԱՄՆ-ի և Իրանի միջև համաձայնագրի նախագծում ներառված են երկու կողմերի պարտավորությունները՝ դադարեցնել ենթակառուցվածքների վրա հարձակումները։ Սա վերաբերում է «ռազմական, քաղաքացիական կամ տնտեսական ենթակառուցվածքներին»։
Հնարավոր համաձայնագրի շրջանակներում Իրանը և ԱՄՆ-ն նաև մտադիր են ստեղծել համատեղ մեխանիզմ՝ ապագա հակամարտությունները լուծելու համար։ Երկկողմ համաձայնագիրը կհամարվի ուժի մեջ միայն այն բանից հետո, երբ փաստաթուղթը պաշտոնապես հրապարակեն երկու կողմերը։
Համաձայնագրի նախագծում կոչ է արվում երկու կողմերին դադարեցնել ռազմական գործողությունները «բոլոր ճակատներում»։