https://arm.sputniknews.ru/20260520/zakharvovan-cinizm-e-anvanel-arevmutqi-meghadranqnery-te-rd-n-arshav-e-sksel-pashinjani-dem-102386475.html
Զախարովան ցինիզմ է անվանել Արևմուտքի մեղադրանքները, թե ՌԴ-ն «արշավ է սկսել» Փաշինյանի դեմ
Զախարովան ցինիզմ է անվանել Արևմուտքի մեղադրանքները, թե ՌԴ-ն «արշավ է սկսել» Փաշինյանի դեմ
Sputnik Արմենիա
Մեկնաբանությունը հնչել է հայկական մեդիադաշտում մի քանի տեղեկատվական արտահոսքերի, մասնավորապես՝ «The Insider» պարբերականի հրապարակման ֆոնին, ըստ որի Հայաստանում… 20.05.2026, Sputnik Արմենիա
2026-05-20T12:58+0400
2026-05-20T12:58+0400
2026-05-20T17:23+0400
մարիա զախարովա
արևմուտք
հայաստան
ռուսաստան
նիկոլ փաշինյան
https://cdn.am.sputniknews.ru/img/07ea/05/14/102386061_0:0:1023:575_1920x0_80_0_0_e3ca0bd3c9c537e1e98dae6e4da32af4.jpg.webp
ԵՐԵՎԱՆ, 20 մայիսի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան, մեկնաբանելով այն մեղադրանքները, թե Մոսկվան իբր արշավ է սկսել Հայաստանի վարչապետ Նիկոլ Փաշինյանի դեմ, կոչ է արել ուշադրություն դարձնել սեփական քաղաքացիների հետ նրա վարվելաձևին։«Արևմտյան լրատվամիջոցները հայտարարել են, թե Ռուսաստանն իբր արշավ է սկսել Փաշինյանի դեմ»,-ասել է դիվանագետը Sputnik ռադիոյի եթերում:Նա կոչ է արել ուշադրություն դարձնել Հայաստանի քաղաքացիներին, որոնց վրա Փաշինյանը գոռում էր։ Երևանում մի կնոջ ասում էր, որ «պետք է շնորհակալ լինի, որ անկյունի զուգարանում իր գլուխը չեն ջարդել»։ Տղամարդը (սիրտս անկեղծորեն ցավում է, նայեք այդ կադրերը), որի թոռը զոհվել է, և որը հենց Փաշինյանի կոչով եկել էր հանրահավաքի ու հարց տվեց, իսկ նրան մեղադրեցին, թե գումարի դիմաց է դա անում»։Մայիսի 19-ին Փաշինյանը ոստիկանության և անվտանգության ծառայության աշխատակիցներին հրամայել էր Սպիտակ քաղաքում իր նախընտրական հանրահավաքից հեռացնել մի տարեց տղամարդու, որն իր դժգոհությունն էր հայտնել վարչապետի վարած քաղաքականությունից, ինչից հետո վերջինիս բերանը բառացիորեն փակել էին և դուրս բերել հավաքվածների միջից։ Տարեց տղամարդը, դիմելով Փաշինյանին, իշխանություններին մեղադրել էր 2023 թվականի հունվարի 19-ին Ազատ գյուղի կացարանում բռնկված հրդեհի հետևանքով իր թոռան և ևս 14 զինվորի մահվան գործով քննությունը ձգձգելու համար։Նշենք, որ ռուսալեզու, ՌԴ-ում անցանկալի կազմակերպություն ճանաչված «The Insider» պարբերականը երկար հոդված է հրապարակել Հայաստան ուղարկված «ռուսական գործակալների» թեմայով՝ ցուցակում ներառելով նաև առաջիկա ընտրություններին մասնակցող գործարար Սամվել Կարապետյանին։ Ի թիվս այլ բաների նշվում է, որ երբ 1999 թվականին Կարապետյանը Կալուգայում ռուսական անձնագիր է ստացել, ապա, ըստ համացանցում հայտնված տվյալների, նրա անձնագրային ֆայլում «աշխատանքի վայր» սյունակում ՆԳՆ-ի կողմից կատարված նշում կա՝ «ИЦ ФСБ» (ԱԴԾ-ի տեղեկատվական կենտրոն):
արևմուտք
2026
Լուրեր
am_HY
https://cdn.am.sputniknews.ru/img/07ea/05/14/102386061_78:0:845:575_1920x0_80_0_0_6f3203282a8b5482a27f5401f8520b2f.jpg.webp
մարիա զախարովա, արևմուտք, հայաստան, ռուսաստան, նիկոլ փաշինյան, видео
մարիա զախարովա, արևմուտք, հայաստան, ռուսաստան, նիկոլ փաշինյան, видео
Մեկնաբանությունը հնչել է հայկական մեդիադաշտում մի քանի տեղեկատվական արտահոսքերի, մասնավորապես՝ «The Insider» պարբերականի հրապարակման ֆոնին, ըստ որի Հայաստանում ընդդիմության առաջնորդները ռուսական ԱԴԾ-ի գործակալներ են:
ԵՐԵՎԱՆ, 20 մայիսի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան, մեկնաբանելով այն մեղադրանքները, թե Մոսկվան իբր արշավ է սկսել Հայաստանի վարչապետ Նիկոլ Փաշինյանի դեմ, կոչ է արել ուշադրություն դարձնել սեփական քաղաքացիների հետ նրա վարվելաձևին։
«Արևմտյան լրատվամիջոցները հայտարարել են, թե Ռուսաստանն իբր արշավ է սկսել Փաշինյանի դեմ»,-ասել է դիվանագետը Sputnik ռադիոյի եթերում:
Նա կոչ է արել ուշադրություն դարձնել Հայաստանի քաղաքացիներին, որոնց վրա Փաշինյանը գոռում էր։ Երևանում մի կնոջ ասում էր, որ «պետք է շնորհակալ լինի, որ անկյունի զուգարանում իր գլուխը չեն ջարդել»։ Տղամարդը (սիրտս անկեղծորեն ցավում է, նայեք այդ կադրերը), որի թոռը զոհվել է, և որը հենց Փաշինյանի կոչով եկել էր հանրահավաքի ու հարց տվեց, իսկ նրան մեղադրեցին, թե գումարի դիմաց է դա անում»։
«Ցինիզմին էլ սահման կա՞, երբ այս իրավիճակը փաթաթում են Ռուսաստանի վզին։ Ռուսաստանն ի՞նչ կապ ունի»,-հարցրել է Զախարովան։
Մայիսի 19-ին Փաշինյանը ոստիկանության և անվտանգության ծառայության աշխատակիցներին հրամայել էր Սպիտակ քաղաքում իր նախընտրական հանրահավաքից հեռացնել մի տարեց տղամարդու, որն իր դժգոհությունն էր հայտնել վարչապետի վարած քաղաքականությունից, ինչից հետո վերջինիս բերանը բառացիորեն փակել էին և դուրս բերել հավաքվածների միջից։ Տարեց տղամարդը, դիմելով Փաշինյանին, իշխանություններին մեղադրել էր 2023 թվականի հունվարի 19-ին Ազատ գյուղի կացարանում բռնկված հրդեհի հետևանքով իր թոռան և ևս 14 զինվորի մահվան գործով քննությունը ձգձգելու համար։
Նշենք, որ ռուսալեզու, ՌԴ-ում անցանկալի կազմակերպություն ճանաչված «The Insider» պարբերականը երկար հոդված է հրապարակել Հայաստան ուղարկված «ռուսական գործակալների» թեմայով՝ ցուցակում ներառելով նաև առաջիկա ընտրություններին մասնակցող գործարար Սամվել Կարապետյանին։ Ի թիվս այլ բաների նշվում է, որ երբ 1999 թվականին Կարապետյանը Կալուգայում ռուսական անձնագիր է ստացել, ապա, ըստ համացանցում հայտնված տվյալների, նրա անձնագրային ֆայլում «աշխատանքի վայր» սյունակում ՆԳՆ-ի կողմից կատարված նշում կա՝ «ИЦ ФСБ» (ԱԴԾ-ի տեղեկատվական կենտրոն):