Լոռու մարզով դեպի ՌԴ գնացող Հայաստանի ճանապարհները ամբողջական հնարավորություններով չեն օգտագործվել․ իր առանձնատան բակում Լոռու մարզի բնակիչների հետ նախընտրական հանդիպման ժամանակ ասաց «Ուժեղ Հայաստան» թիմի վարչապետի թեկնածու Սամվել Կարապետյանը։
Նրան մտահոգել է, որ վերջին տարիներին Լոռին նույնպես հայաթափվել է, ուստի խոստացավ, որ մարզը իր ուշադրության կենտրոնում է լինելու․ «Քիչ ժամանակ ունենք ձեզ հետ՝ Լոռին դարձնելու աշխարհի լավագույն զբոսաշրջային կենտրոններից մեկը, իսկ Վանաձորը՝ նաև արդյունաբերական կենտրոնը»։
Պարզաբանեց՝ իր խոսքը թյուր է ներկայացվում՝ մատուցելով, թե ինքը դեմ է դպրոցաշինությանը, մինչդեռ իրեն մտահոգում է, որ բնակչություն չունեցող գյուղում գործող իշխանությունները դպրոց են կառուցում․ «Իրենց գռդոնն անում են»։
Սամվել Կարապետյանն ասաց՝ Տաշիրում ամբողջությամբ լուծել են աշխատատեղերի հարցը, Վանաձորում էլ են աշխատելու այդ ուղղությամբ։ Նկատեց՝ ՌԴ-ին մոտ լինելու ճանապարհի հնարավորությունը լավ չի օգտագործվել։ Ասաց՝ անկախ ամեն ինչից ինքն ամեն ինչ անելու է մարզի, պետության զարգացման համար, բայց «լավ կլինի, որ պետության հնարավորությունները մեզ օգնեն»։
«Լոռիի ընտրություններն ինձ համար ոչ թե թվեր են, այլ էմոցիաներ։ Հակառակորդները շատ նենգ են, բայց մենք չենք վախենում, դուք էլ չվախենաք»,- ասաց նա։
Մանրամասները՝ տեսանյութում
Նելլի ԳՐԻԳՈՐՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: