Բաժանորդագրվեք araratnews-ի տելեգրամ ալիքին։
«Հիդրոօդերևութաբանության և մոնիթորինգի կենտրոնը» ներկայացրել է մայիսի 4-10-ի ագրոօդերևութաբանական տեղեկատվությունը։
Շաբաթվա ընթացքում շարունակվել են գյուղատնտեսական աշխատանքները և մշակաբույսերի զարգացումը։
Հովտային շրջաններում աշնանացան ցորենը հասկակալման փուլում է, շարունակվել է կորիզավոր պտղատուների աճը։
Արարատյան դաշտում բանաջարանոցային մշակաբույսերը գտնվել են երրորդ տերևի փուլում, տեղ-տեղ առաջացել են խաղողի վազի առաջին ծաղկաբույլերը, խոտաբույսերը ծաղկել են։
Նախալեռնային շրջաններում աշնանացան ցորենը ծեղացողունի ներքին հանգույցների առաջացման փուլում է, սկսվել է պտղատուների պտղի ձևավորումը, կարտոֆիլը ծլել է։
Լեռնային շրջաններում աշնանացանը ցողունակալել է, իսկ որոշ լեռնային շրջաններում գարնանացան գարին ծլել, շարունակվել է կարտոֆիլի տնկումը։