Արհեստական բանականության գլոբալ զարգացումը ամուր կերպով արմատավորված է Ասիայում, քանի որ հենց այս տարածաշրջանում են կենտրոնացված առաջատար կիսահաղորդիչների արտադրողները, ակտիվորեն կառուցվում են տվյալների կենտրոններ և մշակվում են տնտեսող մեծ լեզվական մոդելներ, որոնց վրա հիմնված են արևմտյան ծառայությունները։
Չնայած նրան, որ ԱԲ բումը սովորաբար կապում են տեխնոլոգիական հսկաների ղեկավարների հետ, նրանց հսկայական եկամուտների հետևում կանգնած է Ասիայից եկող մատակարարման շղթան, ինչը նպաստում է մագնատների կարողությունների աճին՝ Չինաստանից մինչև Հարավային Կորեա։
Ֆոնդային շուկաներում ռեկորդային աճը և կապիտալների հսկայական ավելացումը ԱԲ-ի զարգացման արդյունք են։ Հենց դրա շնորհիվ այս տարի ամբողջ աշխարհում 3428 միլիարդատերերի համախառն կարողությունը աճել է՝ հասնելով 20.1 տրլն դոլարի։ Չնայած նրան, որ ԱԲ բումը սովորաբար կապում են Nvidia-ի և Alphabet-ի (Google-ի մայր ընկերության) նման տեխնոլոգիական հսկաների ղեկավարների հետ, նրանց անհավանական եկամուտների հիմքում ընկած է մատակարարման շղթան, որը խորապես արմատավորված է Ասիայում:
J.P. Morgan Asset Management-ի նոյեմբերյան հաշվետվության համաձայն՝ կիսահաղորդիչների արտադրության՝ արևմտյան երկրներից ակտիվ տեղափոխման ֆոնին՝ այսօր աշխարհում արտադրվող չիպերի ավելի քան 70%-ը թողարկվում է Ասիայում։ Այսպես, ԱԲ-ի ուսուցման համար օգտագործվող չիպերի պահանջարկը հանգեցրել է Taiwan Semiconductor Manufacturing Co. (TSMC) ընկերության 94-ամյա հիմնադիր Մորիս Չանի կարողության աճին՝ 4.1 մլրդ դոլարից մինչև 8.4 մլրդ դոլար։
Բացի այդ, պահանջարկի աճը նաև նպաստել է հարավկորեական ISU Petasys ընկերության բաժնետոմսերի արժեքի բարձրացմանը․ արդյունքում ISU Group հոլդինգային ընկերության տնօրենների խորհրդի 65-ամյա նախագահ Կիմ Սան-Բոմը դարձել է միլիարդատեր՝ 1.8 մլրդ դոլար կարողությամբ։
Ասիան շարունակում է ամրապնդել իր դիրքերը տվյալների կենտրոնների ոլորտում։ Moody’s վարկանշային գործակալության և հետազոտական ընկերության տվյալներով՝ մինչև 2030 թվականը այս տարածաշրջանում ներդրումների ծավալը կհասնի 800 մլրդ դոլարի, ինչը կկազմի համաշխարհային հզորությունների 40%-ը։
Reliance Industries-ի նախագահ և գործադիր տնօրեն Մուկեշ Ամբանին՝ Ասիայի ամենահարուստ մարդը՝ 99.7 մլրդ դոլար կարողությամբ, փետրվարին հայտարարել է, որ առաջիկա յոթ տարիների ընթացքում նախատեսում է 110 մլրդ դոլար ներդնել Հնդկաստանի ամբողջ տարածքում ԱԲ ենթակառուցվածքների զարգացման համար։
Նույն ամսին Adani Group-ի նախագահ Գաուտամ Ադանին, որի կարողությունը գնահատվում է 63.8 մլրդ դոլար, հայտարարել է, որ մինչև 2035 թվականը կծախսի 100 մլրդ դոլար՝ երկրի ողջ տարածքում տվյալների կենտրոնների կառուցման համար։
Չինաստանը, որը երկար ժամանակ տեխնոլոգիական մրցավազք է վարում ԱՄՆ-ի հետ, ականատես է եղել այն բանին, թե ինչպես են իր ԱԲ տեխնոլոգիաները կիրառություն գտնում ամբողջ աշխարհում՝ այդ թվում նաև ԱՄՆ տարածքում։ Այն բանից հետո, երբ 2024 թվականի սկզբին DeepSeek-ը զարմացրեց աշխարհին իր էժան արտադրանքով, 2025 թվականին մի քանի շաբաթների ընթացքում զբաղեցրել է ԱԲ մոդելների համաշխարհային օգտագործման գրեթե մեկ երրորդը։
Միևնույն ժամանակ OpenRouter հարթակը, որը մշակողներին հնարավորություն է տալիս օգտվել տարբեր ԱԲ մոդելներից, արձանագրում է չինական մոդելների բաժնի նկատելի աճ 2024 թվականի վերջից, երբ այդ ցուցանիշը դեռ աննշան էր։ OpenRouter-ի տվյալները նաև ցույց են տալիս, որ մարտին չինական մոդելների օգտագործումը գերազանցել է ամերիկյան անալոգների օգտագործմանը։
Տեխնոլոգիական հրապարակումներն իրականացվում են Իդրամի աջակցությամբ։