Ադրբեջանում ԵՄ դեսպան Մարիանա Կույունչիչը կանչվել է Ադրբեջանի ԱԳՆ՝ Հայաստանի վերաբերյալ բանաձև ընդունելու պատճառով:
«Բանաձևում հայ բնակիչների Ղարաբաղ վերադարձի պնդումները որակվել են անհիմն, և միջամտություն Ադրբեջանի ներքին գործերին», – հայտնել է ադրբեջանական APA գործակալությունը:
Դեսպանին բողոքի նոտա է հանձնվել։
Ադրբեջանի արտաքին գործերի նախարարությունը Կույունչիչին հայտնել է, թե Լեռնային Ղարաբաղի հայերը, իբր, «կամավոր են լքել տարածաշրջանը»։
Բաքուն հայտարարել է, որ Եվրախորհրդարանի այս մոտեցումը բացասաբար է անդրադառնում տարածաշրջանում կարգավորման գործընթացի և Ադրբեջանի ու ԵՄ-ի միջև հարաբերությունների հեռանկարների վրա։
Ադրբեջանի խորհրդարանն էլ հայտարարել է Եվրախորհրդարանի հետ հարաբերությունները կասեցնելու մասին։
Որոշման համաձայն՝ Միլի Մեջլիսը կասեցրել է Եվրոպական խորհրդարանի հետ համագործակցության հարաբերությունները բոլոր ուղղություններով։
Ըստ ադրբեջանական ԶԼՄ-ների՝ կսկսվի նաև Եվրանեսթին անդամակցությունը դադարեցնելու գործընթացը։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: