Ճապոնական ավտոարտադրող Nissan Motor Co.-ն 2025 ֆինանսական տարում, որն ավարտվել է 2026 թվականի մարտին, գրանցել է գործառնական շահույթ, մինչդեռ ավելի վաղ կանխատեսվում էր վնաս։
Նախնական տվյալներով՝ անցած ֆինանսական տարում գործառնական շահույթը կազմել է 50 մլրդ իեն (314 մլն դոլար)։ Փետրվարին ընկերությունը կանխատեսում էր 60 մլրդ իենի գործառնական վնաս։
«Գնահատականի բարելավումը հիմնականում արտացոլում է ԱՄՆ-ում արտանետումների ոլորտում կարգավորող փոփոխություններից ստացված միանվագ դրական ազդեցությունը, ինչպես նաև ծախսերի շարունակական կրճատումը և արժութային փոխարժեքների բարենպաստ փոփոխությունները», – հայտնել է Nissan-ը։
Գործառնական վնասը ընկերության համար կլիներ առաջինը վերջին հինգ տարվա ընթացքում։
Nissan-ի հասույթն անցած ֆինանսական տարում, ըստ ակնկալիքների, հասել է 12 տրլն իենի (փետրվարյան կանխատեսումը՝ 11.9 տրլն իեն), իսկ զուտ վնասը կազմել է 550 մլրդ իեն (650 մլրդ իեն)։
Ընկերության ավտոմոբիլային գործառնություններից ստացված ազատ դրամական հոսքը երկրորդ ֆինանսական կիսամյակում եղել է դրական։
Nissan-ը 2025 ֆինանսական տարվա վերջնական հաշվետվությունը կհրապարակի մայիսի 13-ին։
2026 թվականի սկզբից ընկերության շուկայական կապիտալիզացիան նվազել է 10%-ով։
Ավտոաշխարհի նորությունները հրապարակվում են ՌԵԳՈ ԻՆՇՈՒՐԱՆՍ ապահովագրական ընկերության աջակցությամբ, որը ներկայացնում է ԿԱՍԿՈ ապահովագրություն։ Կասկոն կօգնի անսպասելի իրավիճակներում պահպանել կայուն ֆինանսական վիճակ։