Բաժանորդագրվեք araratnews-ի տելեգրամ ալիքին։
Իսրայելի նախագահ Իսահակ Հերցոգը ցանկություն է հայտնել Լիբանանի հետ բարիդրացիական հարաբերություններ հաստատել։ Իսրայելի անկախության օրվա առթիվ դիվանագետների համար կազմակերպված ընդունելության ժամանակ ելույթ ունենալով՝ նա նշել է, որ երազում է ազատորեն մեքենայով մեկնել Բեյրութ և բարեկամանալ լիբանանցիների հետ։
«Վերջերս իսրայելցի դպրոցականներին ասացի, որ երազում եմ մեքենա նստել և ուղիղ Բեյրութ գնալ, այցելել այդ գեղեցիկ քաղաքը և բարեկամանալ Լիբանանի լավ մարդկանց հետ՝ նրանց հետ, ովքեր մեզ հետ աղոթում են ավելի լավ ապագայի համար»,-հավելել է նա։
Այս համատեքստում նախագահը հաջողություն է մաղթել իսրայելական և լիբանանյան բանակցային թիմերին, որոնք ապրիլի 23-ին Վաշինգտոնում պետք է անցկացնեն բանակցությունների նոր փուլ։