Կատովիցեում այսօր ավարտվում է շախմատի Եվրոպայի անհատական առաջնությունը

Հայաստանն այս մրցաշարում ներկայացնող 15 շախմատիստներից առավել հաջող հանդես են գալիս գրոսմայստերներ Հայկ Մարտիրոսյանն ու Ռոբերտ Հովհաննիսյանը։ Նախավերջին տուրից հետո Հայկը 7,5 միավորով զբաղեցնում է 9-րդ հորիզոնականը, ընդորում, նա այս առաջնությունում ոչ մի պարտություն չի կրել, իսկ Ռոբերտը 13-րդ տեղում է 7,0 միավորով։

Այսօր եզրափակիչ մրցափուլում մեր երկու շախմատիստներն էլ խաղալու են սեւ խաղաքարերով. Հայկ Մարտիրոսյանը՝ հունգարացի գրոսմայստեր Գլեբ Դուդինի, Ռոբերտ Հովհաննիսյանը՝ Լատվիան ներկայացնող գրոսմայստեր Նիկիտա Մեշկովսի հետ։

Աշոտ ՀԱԿՈԲՅԱՆ