Հասարակություն
17.04.2026 | 22:42
Այսօր Հակակոռուպցիոն դատարանի դիմաց «Ուժեղ Հայաստան» կուսակցության համակիրների մասնակցությամբ տեղի ունեցած միջադեպի առթիվ նախաձեռնվել է քրեական վարույթ՝ մի խումբ անձանց կողմից խուլիգանություն կատարելու և պաշտոնատար անձի օրինական ծառայողական գործունեությանը միջամտելու հոդվածների հատկանիշներով: Այս մասին տեղեկացնում են ՀՀ քննչական կոմիտեից։
«Քրեական վարույթի նախաքննության ընթացքում 17 անձ ձերբակալվել է:
Կատարվում են քննչական և վարութային անհրաժեշտ գործողություններ»,- ասվում է հաղորդագրությունում:
Հիշեցնենք, որ դատարանը քննում էր գործարար Սամվել Կարապետյանի խափանման միջոցի հարցը, իսկ դրսում բողոքի ակցիա էին իրականացնում նրա կուսակիցներն ու աջակիցները։