«Մեր երկիրը գտնվում է մի հորձանուտում, որտեղ պետության, պետականության հիմնասյուները խարխլված են։ Այս ճգնաժամային հանգրվանում մեր առաջնահերթ ու անհետաձգելի քայլը պետք է լինի իշխող վարչախմբի հեռացումը»,-Ազատության հրապարակում «Ուժեղ Հայաստանի» կողմից անցկացվող Միասնության հանրահավաքի ժամանակ հայտարարեց «Նոր դարաշրջան» կուսակցության նախագահ Հարություն Հարությունյանը։
Ըստ նրա՝ այս վարչախումբն իր անհեռատես քաղաքականությամբ մեզ կանգնեցրել է գոյաբանական սպառնալիքի առաջ․ «Սա սոսկ իշխանափոխության պահանջ չէ, սա պետական մտածողության վերականգնման և ազգային արժանապատվության վերադարձի հրամայական է։ Հայաստանը պետք է դադարի լինել միջազգային հարաբերությունների օբյեկտ, այլ պետք է դառնա սուբյեկտ։ Արժանապատիվ կեցվածք ենք որդեգրելու, որը հիմնված է ազգային շահի վրա։ Ամուր բանակցային դիրքեր ենք կերտելու բոլոր գործընկերների հետ։ Խաղաղությունը ձեռք չի բերվում՝ այն մուրալով կամ զիջելով, այլ պարտադրվում է ուժով և խելամիտ դիվանագիտությամբ»։
Ազատության հրապարակում անցկացվող Միասնության հանրահավաքն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: