«Ռուսաստանը չի բանակցում ո՛չ Երևանի, ո՛չ էլ Աստանայի հետ՝ Հայաստանի երկաթուղիները Ղազախստանին կառավարման կոնցեսիան փոխանցելու վերաբերյալ»,- ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«2008 թվականին ստորագրված կոնցեսիոն պայմանագրի ժամկետը 30 տարի է՝ ևս 10 տարով երկարաձգման հնարավորությամբ։ Տարիներ շարունակ «Հարավկովկասյան երկաթուղիներ»-ը պատասխանատու կերպով կատարել է այս պայմանագրի պայմանները։
Ենթակառուցվածքներում ռուսական ներդրումները կազմել են ավելի քան 30 միլիարդ ռուբլի», – հայտարարել է Զախարովան։
Զախարովան այս հայտարարությամբ հղում է կատարել ՌԴ տրանսպորտի նախարար Անդրեյ Նիկիտինի հայտարարությանը։ «Արդեն տարիներ շարունակ «Հարավկովկասյան երկաթուղին» պատասխանատվությամբ կատարում է այդ պայմանագրի դրույթները, իսկ ռուսական ներդրումները Հայաստանի երկաթուղային ենթակառուցվածքում ավելի քան 30 միլիարդ ռուբլի են կազմում», – շեշտել է Նիկիտինը:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: