Ռոբ Շնայդերը ծրագիր է առաջարկել Միացյալ Նահանգների համար։ Հայտնի կատակերգուն, որը հայտնի է «Դյուս Բիգալոու» ֆիլմում իր դերով, շաբաթավերջին X-ում հրապարակել է Քենեդիի հայտնի մեջբերումը՝ կոչ անելով իր հետևորդներին մտածել երկրի համար նոր ուղի ընտրելու մասին։
«Մի՛ հարցրու, թե ինչ կարող է անել քո երկիրը քեզ համար, հարցրու, թե ինչ կարող ես անել դու քո երկրի համար․ Ջոն Ֆ. Քենեդի», – գրել է Շնայդերը՝ ավելացնելով,- «Հետևաբար, մենք պետք է վերականգնենք զինվորական ծառայությունը մեր երիտասարդ քաղաքացիների համար։ Երիտասարդները, անկախ ռասայից, դավանանքից կամ համոզմունքից, կմիավորվեն իրենց երկրի և միմյանց ծառայելու համար»։
Շնայդերը, ով ինքը չի ծառայել բանակում, առաջարկել է, որ «յուրաքանչյուր ամերիկացի տասնութ տարեկանում պետք է անցնի երկու տարվա զինվորական ծառայություն»՝ մասամբ արտասահմանում, կամ «հայրենիքում՝ կամավոր հիմունքներով»։
Այնուամենայնիվ, նրա հայտարարությունը համացանցում վրդովմունքի ալիք է առաջացրել։
Նշենք, որ Միացյալ Նահանգները վերջին անգամ զինվորական զորակոչ անցկացրեց 1972 թվականին՝ Վիետնամի պատերազմի ժամանակ։