Քաղաքականություն
29.03.2026 | 17:19
Սուրբ Աննա եկեղեցում այսօրվա միջադեպից հետո ՆԳՆ ոստիկանության ծառայողները խուլիգանության և պաշտոնատար անձի օրինական ծառայողական և քաղաքական գործունեությանը միջամտելու կասկածանքով ձերբակալել են 3 անձի: Այս մասին Factor TV-ի հետ զրույցում հայտնեցին Ներքին գործերի նախարարությունից։
Նրանք և կազմված փաստաթղթերը փոխանցվել են Քննչական կոմիտե։
Հիշեցնենք՝ այսօր Սուրբ Աննա առաջնորդանիստ մայր տաճարում վարչապետ Նիկոլ Փաշինյանը կուսակիցների հետ մասնակցել է Ծաղկազարդի օրվան նվիրված պատարագին։ Եկեղեցուց Փաշինյանի դուրս գալու ժամանակ մի քանի քաղաքացիների և վարչապետի անվտանգության աշխատակիցների միջև հրմշտոց է սկսվել։ Ձերբակալված քաղաքացիները տեղի ունեցած միջադեպի մասնակիցներն են։
Եվգենյա Համբարձումյան