Երեւանի Սուրբ Աննա եկեղեցու բակից քիչ առաջ ոստիկանները ուժի գործադրմամբ ձերբակալեցին այսօր եկեղեցում պատարագի ժամանակ Նիկոլ Փաշինյանին հարվածելու փորձ կատարած երիտասարդին:
Բացի այս երիտասարդից եւս մեկ այլ երիտասարդի են բերման ենթարկել: Ոստիկանները չեն հայտնել ձերբակալման պատճառը: Քաղաքացիները եւ հոգեւորականները փորձում էին հասկանալ երիտասարդների ձերբակալման պատճառը, սակայն նրանց չհաջողվեց: Ոստիկանները հրմշտելով՝ տարան երիտասարդներին: Հրմշտոցի արդյունքում մի քաղաքացու ինքնազգացողությունը վատացավ:
«Նիկոլի՞ն եք պահում, էս ի՞նչ եք անում»,- ոստիկաններից հարցնում էին քաղաքացիները:
«Ձեզ ձերբակալողները Հայաստանի հետ կապ չունեն»,- արձագանքում էր մեկ այլ քաղաքացի:
Արփինե ՍԻՄՈՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: