ԱՄՆ նախագահ Դոնալդ Թրամփը հայտարարել է, որ Պենտագոնին հանձնարարել է հինգ օրով հետաձգել իրանական էլեկտրակայանների վրա հարվածները: Քաղաքական գործիչը հայտնել է, որ Վաշինգտոնն ու Թեհրանը վերջին երկու օրերի ընթացքում արդյունավետ բանակցություններ են վարել։
«Հիմնվելով այս խորը, մանրամասն և կառուցողական զրույցների տոնի և ոճի վրա, որոնք կշարունակվեն շաբաթվա ընթացքում, ես հանձնարարել եմ Պատերազմական նախարարությանը հետաձգել Իրանի էլեկտրակայանների և էներգետիկ ենթակառուցվածքների դեմ բոլոր ռազմական հարվածները հինգ օրով՝ կախված ընթացիկ հանդիպումների և քննարկումների հաջողությունից»,- նշել է նա Truth-ում։
Թրամփը չի մանրամասնել, թե արդյոք Իսրայելը կշարունակի հարձակումները Թեհրանի և այլ քաղաքների վրա։
«Ես ուրախ եմ հայտնել, որ Ամերիկայի Միացյալ Նահանգներն ու Իրանը վերջին երկու օրերի ընթացքում շատ լավ և արդյունավետ բանակցություններ են վարել Մերձավոր Արևելքում մեր ռազմական գործողությունների լիարժեք և համապարփակ լուծման վերաբերյալ»,- գրել է Թրամփը։