https://arm.sputniknews.ru/20260323/pashinjani-artahajtutjunnery-qreakan-orensgrqum-unen-kvonkret-hvodvatsner-patgamavvor-100151592.html
Փաշինյանի արտահայտությունները քրեական օրենսգրքում ունեն կոնկրետ հոդվածներ. պատգամավոր
Փաշինյանի արտահայտությունները քրեական օրենսգրքում ունեն կոնկրետ հոդվածներ. պատգամավոր
Sputnik Արմենիա
Ընդդիմադիր պատգամավորի խոսքով` իրական ժողովրդավարական ընտրությունները կարող են իշխանության բերել ցանկացած անձի, բայց եթե օրվա իշխանությունն ասում է` եթե դուք… 23.03.2026, Sputnik Արմենիա
2026-03-23T14:54+0400
2026-03-23T14:54+0400
2026-03-23T14:54+0400
արծվիկ մինասյան
https://cdn.am.sputniknews.ru/img/07e7/01/10/53864749_0:0:1600:901_1920x0_80_0_0_eed89eb3a43af8c7973b34744aa77f06.jpg.webp
ԵՐԵՎԱՆ, 23 մարտի – Sputnik. Խորհրդարանական ընտրություններից առաջ ՀՀ վարչապետ Նիկոլ Փաշինյանի արտահայտությունները ՀՀ քրեական օրենսգրքում ունեն կոնկրետ հոդվածներ և անուններ։ Այս մասին ՀՀ ԱԺ պետական-իրավական հարցերի մշտական հանձնաժողովի նիստում հայտարարեց ԱԺ «Հայաստան» խմբակցության անդամ Արծվիկ Մինասյանը։Պատգամավորը հարց ուղղեց արդարադատության նախարար Սրբուհի Գալյանին` խնդրելով մեկնաբանել` արդյոք վերջին օրերին Փաշինյանի հնչեցրած արտահայտություններն ինքնիշխանության դեմ ուղղված վերբալ հանցագործություն չեն։Արդարադատության նախարար Սրբուհի Գալյանը նշեց, որ Մինասյանի հարցն ընդհանրապես հարց չի համարում, բայց կմեկնաբանի։«Դուք ասում եք՝ արդյոք ինքնիշխանության դեմ ուղղված վերբալ հանցագործություն չէ։ ի՞նչը։ Այն, որ խոսվում է հնարավոր վտանգների մասի՞ն։ Իմ պատկերացմամբ` մենք գործ ունենք հետևյալի հետ․ այս քաղաքական իշխանությունը միշտ շատ անկեղծ երկխոսության մեջ է քաղաքացիների հետ, և դա միշտ այն տրամաբանությամբ է գնում, որը համապատասխանում է մեր ընկալումներին ու իրականությանը, և յուրաքանչյուր կոմունիկացիա քաղաքացու հետ պետք է լինի անկեղծ ու ազնիվ, և այդ մտքերի արտահայտումը, ես չեմ կարծում և վստահ եմ, որ հանցագործություն չէ»,- ասաց նախարարը։Մինասյանն էլ արձագանքեց, որ իրական ժողովրդավարական ընտրությունները կարող են իշխանության բերել ցանկացած անձի, բայց եթե օրվա իշխանությունն ասում է`եթե դուք չընտրեք մեզ, պատերազմ է լինելու, դա ինքնիշխանությանն ուղղված ոտնձգություն է։Նա ընդգծեց, որ իր նպատակն է, որ երկրում ժողովրդավարական ընտրություններ տեղի ունենան, այլ ոչ թե մարդիկ ընտրության գնան վախեցած ու բռնության սպառնալիքի տակ։Գալյանը հակադարձեց` պնդելով, որ ժողովուրդը կորոշի, թե ով է լինելու իշխանության այնպես, ինչպես դա արել է 2018 թվականից հետո։ Նա Մինասյանին առաջարկեց շարք ստեղծել և հանրությանը` այդ թվում քաղաքական ուժերին ասել, թե ինչ չի կարելի անել ընտրություններից առաջ։«Օրինակ` չի կարելի խախտել իրավահավասարության սկզբունքը, ատելության խոսք տարածել։ Ինքս պատրաստ եմ նախաձեռնել կամ միանալ բալոր այն նախաձեռնություններին , որոնք միտված կլինեն քաղաքացիների իրավագիտակցության բարձրացմանը և քաղաքական դաշտում գործունեություն ծավալող մարդկանց հիշեցնելուն, թե ինչ կարող են անել և ինչից պետք է զերծ մնան»,–ասաց նա։
2026
Լուրեր
am_HY
https://cdn.am.sputniknews.ru/img/07e7/01/10/53864749_180:0:1600:1065_1920x0_80_0_0_97350e4fafa69238c8c4ffe6b0637d85.jpg.webp
արծվիկ մինասյան
արծվիկ մինասյան
Ընդդիմադիր պատգամավորի խոսքով` իրական ժողովրդավարական ընտրությունները կարող են իշխանության բերել ցանկացած անձի, բայց եթե օրվա իշխանությունն ասում է` եթե դուք չընտրեք մեզ , պատերազմ է լինելու, դա ինքնիշխանությանն ուղղված ոտնձգություն է։
ԵՐԵՎԱՆ, 23 մարտի – Sputnik. Խորհրդարանական ընտրություններից առաջ ՀՀ վարչապետ Նիկոլ Փաշինյանի արտահայտությունները ՀՀ քրեական օրենսգրքում ունեն կոնկրետ հոդվածներ և անուններ։ Այս մասին ՀՀ ԱԺ պետական-իրավական հարցերի մշտական հանձնաժողովի նիստում հայտարարեց ԱԺ «Հայաստան» խմբակցության անդամ Արծվիկ Մինասյանը։
Պատգամավորը հարց ուղղեց արդարադատության նախարար Սրբուհի Գալյանին` խնդրելով մեկնաբանել` արդյոք վերջին օրերին Փաշինյանի հնչեցրած արտահայտություններն ինքնիշխանության դեմ ուղղված վերբալ հանցագործություն չեն։
«Ընտրական տարի է, բայց եթերում հնչում են արտահայտություններ, այդ թվում` գործադիր իշխանության ղեկավարի կողմից, որ եթե այսօրվա իշխանությունը մեծամասնություն չլինի, հաստատապես պատերազմ է լինելու։ Արդյոք սա ինքնիշխանության դեմ ուղղված վերբալ հանցագործություն չէ»,- ասաց Մինասյանը։
Արդարադատության նախարար Սրբուհի Գալյանը նշեց, որ Մինասյանի հարցն ընդհանրապես հարց չի համարում, բայց կմեկնաբանի։
«Դուք ասում եք՝ արդյոք ինքնիշխանության դեմ ուղղված վերբալ հանցագործություն չէ։ ի՞նչը։ Այն, որ խոսվում է հնարավոր վտանգների մասի՞ն։ Իմ պատկերացմամբ` մենք գործ ունենք հետևյալի հետ․ այս քաղաքական իշխանությունը միշտ շատ անկեղծ երկխոսության մեջ է քաղաքացիների հետ, և դա միշտ այն տրամաբանությամբ է գնում, որը համապատասխանում է մեր ընկալումներին ու իրականությանը, և յուրաքանչյուր կոմունիկացիա քաղաքացու հետ պետք է լինի անկեղծ ու ազնիվ, և այդ մտքերի արտահայտումը, ես չեմ կարծում և վստահ եմ, որ հանցագործություն չէ»,- ասաց նախարարը։
Մինասյանն էլ արձագանքեց, որ իրական ժողովրդավարական ընտրությունները կարող են իշխանության բերել ցանկացած անձի, բայց եթե օրվա իշխանությունն ասում է`եթե դուք չընտրեք մեզ, պատերազմ է լինելու, դա ինքնիշխանությանն ուղղված ոտնձգություն է։
«Երբ Փաշինյանն ասում է` 7 տարվա վարչապետ եմ, ես գիտեմ` ինչ եմ ասում այսինքն սա ի՞նչ է նշանակում, որ ՔՊ–ն չլինի իշխանության, պատերա՞զմ է լինելու։ Ընտրական շրջանում կարող են քաղաքական հայտարարություններ լինելլ, բայց Փաշինյանի հայտարարություններն այլևս քաղաքական չեն։ Ինչպես և քաղաքական հայտարարություն չէ անձին հոգեկան տառապանք պատճառելը , երբ արցախցի կնոջն ասում է` «դո՛ւք` փախածներդ» և մեղադրում։ Սրանք արտահայտություններ են, որոնք ՀՀ քրեական օրենսգրքում ունեն կոնկրետ հոդվածներ և անուններ»,–ասաց Մինասյանը։
Նա ընդգծեց, որ իր նպատակն է, որ երկրում ժողովրդավարական ընտրություններ տեղի ունենան, այլ ոչ թե մարդիկ ընտրության գնան վախեցած ու բռնության սպառնալիքի տակ։
Գալյանը հակադարձեց` պնդելով, որ ժողովուրդը կորոշի, թե ով է լինելու իշխանության այնպես, ինչպես դա արել է 2018 թվականից հետո։ Նա Մինասյանին առաջարկեց շարք ստեղծել և հանրությանը` այդ թվում քաղաքական ուժերին ասել, թե ինչ չի կարելի անել ընտրություններից առաջ։
«Օրինակ` չի կարելի խախտել իրավահավասարության սկզբունքը, ատելության խոսք տարածել։ Ինքս պատրաստ եմ նախաձեռնել կամ միանալ բալոր այն նախաձեռնություններին , որոնք միտված կլինեն քաղաքացիների իրավագիտակցության բարձրացմանը և քաղաքական դաշտում գործունեություն ծավալող մարդկանց հիշեցնելուն, թե ինչ կարող են անել և ինչից պետք է զերծ մնան»,–ասաց նա։