ԱՄՆ-ի կողմից Իրան զորքեր ուղարկելը կհանգեցնի Վիետնամում նրանց հետ տեղի ունեցածին նման հակամարտության, հայտարարել է Իրանի փոխարտգործնախարար Սաիդ Խատիբզադեն։
Երկուշաբթի օրը Axios-ը, հղում անելով աղբյուրներին, հաղորդել է, որ ԱՄՆ-ի նախագահ Դոնալդ Թրամփը քննարկում է Իրանի Խարգ կղզու գրավման հարցը, ինչը կպահանջի ԱՄՆ-ի ռազմական դեսանտի իջեցում։ Նույն օրը Իրանի Իսլամական հեղափոխության պահապանների կորպուսի (ԻՀՊԿ) ռազմածովային հրամանատար Ալիռեզա Թանգսիրին ընդգծել է, որ ԱՄՆ-ի հնարավոր հարձակումը Խարգի վրա, որտեղ գտնվում է Իրանի ամենամեծ նավթային տերմինալը, զգալիորեն կազդի նավթի գների վրա։ «Պարզապես նայեք, թե ինչ տեղի ունեցավ Վիետնամում», – պատասխանել է Խատիբզադեն Sky News-ի հաղորդավարի հարցին այն մասին, թե ինչ կպատահի, եթե ԱՄՆ-ի ծովային հետևակներն իջնեն Իրանի տարածքում։
Դիվանագետը նշել է, որ զորքերի նման տեղակայումը կհակասի միջազգային իրավունքին։ «Ես հույս ունեմ, որ… նրանք (ԱՄՆ-ն – խմբ.) կհասկանան, որ նրանք, ովքեր իրենց ներքաշել են այս պատերազմի մեջ, կարող են իրենց ներքաշել ճահճի մեջ»,- հավելել է փոխնախարարը։