Սերբիայի Զրենյանին քաղաքում մեկնարկած հունահռոմեական ոճի ըմբշամարտի Եվրոպայի մինչև 23 տարեկանների առաջնության առաջին մրցումային օրը Հայաստանի երկու ներկայացուցիչներ դուրս են եկել եզրափակիչ։
Սամվել Տերտերյանը (77 կգ) և Արամայիս Հարությունյանը (130 կգ) տարել են 3-ական հաղթանակ ու նվաճել եզրափակիչի ուղեգիր։ Հունիսի 14-ին Տերտերյանը Եվրոպայի Մ-23 չեմպիոնի կոչումը կվիճարկի ռուսաստանցի Դանիլ Գրիգորևի հետ, իսկ Հարությունյանի մրցակիցը կլինի հունգարացի Լասլո Դարաբոսը։
Մանվել Խաչատրյանը (55 կգ) հնարավորություն է ստացել անցկացնել բրոնզե մեդալի համար գոտեմարտ, իսկ Արմեն Սուքիասյանը (63 կգ) և Վիգեն Նազարյանը (87 կգ) պարտվել են ու ավարտել ելույթները։
Հայաստանի թիմը մրցավայր է մեկնել 10 ըմբիշով։