Քաղաքական մեկնաբան Հակոբ Բադալյանը ֆեյսբուքյան իր էջում գրում է. «Հիշու՞մ եք, նախորդ տարի մի օրենք ընդունվեց, թե այսպես ասած թեթև վթարների դեպքում վարորդները պետք է ճանապարհն ազատեն 20 րոպեի ընթացքում: «Թիթեռ նկարողները», ներողություն՝ օրենքն ընդունողները իրենց զբաղմունքը հիմնավորում էին խցանումների խնդիրը թեթևացնելու մղումով:
Օրենքի ընդունումից հետո անցել է 7-8 ամիս: Դուք զգո՞ւմ եք դրա որևէ ազդեցություն Երևանի փողոցներում և պողոտաներում:
Սա է կառավարման վերաբերյալ պատկերացումների աստիճանն ու որակը:
Թեև, կա «հավերժական» արդարացումը՝ մեքենաների թիվն ավելանում է: Կարծես թե աշխարհում կա որևէ երկիր, որտեղ մեքենաների թիվը գնալով պակասում է, ոչ թե ավելանում»: