ՌԴ նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ, որի ընթացքում շնորհակալություն է հայտնել Իրանից Ռուսաստանի քաղաքացիների տարհանման կազմակերպման գործում Ադրբեջանի ցուցաբերած արդյունավետ աջակցության համար։ Հեռախոսազրույցի ընթացքում կողմերը ընդգծել են Մերձավոր Արևելքում ռազմական գործողությունների արագ դադարեցման և հակամարտության քաղաքական-դիվանագիտական կարգավորման անհրաժեշտությունը։
Կրեմլի հաղորդագրության համաձայն՝ Պուտինը և Ալիևը քննարկել են նաև երկկողմ հարաբերություններին վերաբերող հարցեր և վերահաստատել են ռազմավարական գործընկերության և դաշինքի սկզբունքներին համապատասխան համագործակցության շարունակման փոխադարձ մտադրությունը։ Նշենք, որ երկու առաջնորդները 2022 թվականի փետրվարին ստորագրել են դաշնակցային փոխգործակցության համաձայնագիր, որը կարևոր դերակատարություն ունի տարածաշրջանային անվտանգության ամրապնդման գործում։