Քաղաքականություն
11.03.2026 | 12:39
Թուրքիայի էներգետիկայի և բնական պաշարների նախարար Ալփարսլան Բայրաքթարը Փարիզում ՀՀ վարչապետ Նիկոլ Փաշինյանի ու տարածքային կառավարման և ենթակառուցվածքների նախարար Դավիթ Խուդաթյանի հետ հանդիպումից մանրամասներ է ներկայացրել։
«Փարիզում հանդիպում ունեցանք Հայաստանի վարչապետ պարոն Նիկոլ Փաշինյանի ու տարածքային կառավարման և ենթակառուցվածքների նախարար պարոն Դավիթ Խուդաթյանի հետ։ Մեր հանդիպման ընթացքում քննարկեցինք ենթակառուցվածքային և էներգետիկ հարցեր, որոնք կնպաստեն մեր տարածաշրջանում երկարատև խաղաղությանն ու կայունությանը. այս համատեքստում անդրադարձանք համագործակցության ոլորտներին, հիմնականում՝ էլեկտրաէներգիայի փոխկապակցվածությանը, ատոմային էներգետիկային և բնական գազին»,- նշել է Բայրաքթարը X-ի իր միկրոբլոգում։
Թարգմանությունը՝ Էմմա Չոբանյանի