Սիրելի՛ կանայք և աղջիկներ,
Ջերմորեն շնորհավորում եմ ձեզ գարնան ամենագեղեցիկ տոներից մեկի՝ Մարտի 8-ի՝ Կանանց միջազգային օրվա կապակցությամբ։
Այս օրը ևս մեկ առիթ է գնահատելու և մեծարելու ձեր անփոխարինելի դերը մեր ընտանիքներում, հասարակական կյանքում և համայնքի զարգացման գործում։ Ձեր հոգատարությամբ, ուժով, իմաստությամբ ու գեղեցկությամբ դուք լուսավորում եք մեր առօրյան, դաստիարակում սերունդներ և ձեր աշխատանքով նպաստում համայնքի առաջընթացին։
Թող գարնան այս գեղեցիկ տոնը ձեր կյանք բերի երջանկություն, առողջություն, ջերմություն և անսպառ ժպիտներ։ Թող ձեր ընտանիքներում միշտ տիրեն սերը, խաղաղությունը և բարեկեցությունը։
Սիրով շնորհավորում եմ ձեզ և մաղթում խաղաղ ու արևաշատ օրեր։
Հարգանքով՝
Տաթև համայնքի ղեկավար
Սամվել Լալայան