Մեր ընկերությունների սիրելի՛ կին աշխատողներ,
Մեր աշխատակիցների սիրելի՛ կանայք և աղջիկներ,
Ջերմորեն շնորհավորում եմ ձեզ գարնանային այս գեղեցիկ օրվա` Կանանց միջազգային տոնի առթիվ:
Եթե անցյալում կային որոշակի կարծրատիպեր ձեր ոլորտային ներգրավվածության մասին, այժմ դուք արմատապես փոխել եք մեր պատկերացումները՝ գրեթե բոլոր մասնագիտություններում արձանագրելով աննախադեպ հաջողություններ։ Ընդգրկված լինելով մեր ընկերությունների ամենատարբեր օղակներում` դուք դարձել եք մեր ամենօրյա աշխատանքի շարժիչ ուժն ու թիմային հաջողությունների գրավականը:
Հատկանշական է, որ ժամանակի ընթացքում ստանձնելով նորանոր գործառույթներ, դուք շարունակում եք հաջողությամբ իրականացնել նաև սերունդների դաստիարակության ձեր կարևորագույն առաքելությունը:
Եղե՛ք առողջ, երջանիկ և միշտ շրջապատված սիրով ու գնահատանքով, իսկ ձեր ներկայությունը թող շարունակաբար լուսավորի թե՛ ձեր ընտանիքները, թե՛ մեր աշխատանքային միջավայրը։
Հարգանքով՝
Դավիթ Դանիելյան