Էստոնիայի մայրաքաղաք Տալլինում մեկնարկած գեղասահքի աշխարհի պատանեկան առաջնությունում պայքարն ավարտել է Հայաստանի երկրորդ ներկայացուցիչը։
Կանանց մենասահքի կարճ ծրագրում Իզաբելլա Եսայանը հավաքել է 41,59 ու գրավել 43-րդ տեղը։ 16-ամյա գեղասահորդը չի կարողացել ստանալ ազատ ծրագրին մասնակցելու իրավունք։
Կարճ ծրագրում հանդես է եկել 50 գեղասահորդ։ 1-24-րդ տեղ զբաղեցրած մարզիկները ելույթ կունենան նաև ազատ ծրագրով։
Ավելի վաղ պատանեկան ԱԱ-ում ելույթն ավարտել էր Հայաստանի ներկայացուցիչ Միքայել Սալազարյանը, որը կարճ ծրագրում 54,05 միավորով գրավել էր 32-րդ տեղը։