ԵՐԵՎԱՆ, ՄԱՐՏԻ 5, 24News
Մայր Աթոռի դիվանապետ Արշակ արքեպիսկոպոս Խաչատրյանը Վերաքննիչ դատարանի դատավոր Արսեն Նիկողոսյանի որոշմամբ անհապաղ ազատ է արձակվելու։ Այս մասին հայտնել էր փաստաբան Արսեն Բաբայանը։
24News-ը կապ հաստատեց փաստաբան Ռուբեն Մելիքյանի հետ։ Մելիքյանը հայտնեց, որ Սրբազանի նկատմամբ ընտրվել է ազատությունից չզրկող խափանման միջոց՝ վարչական վերահսկողություն։
Նրա խոսքով, Արշակ Սրբազանը դեռ «Կենտրոն» ՔԿՀ-ում է։ Ռուբեն Մելիքյանը հայտնեց, որ գործի նախաքննությունն արդեն ավարտվել է, բայց դեռ դատարան մուտք չի եղել։
Հարցին, թե արդյոք Սրբազանը կարո՞ղ է գնալ Մայր Աթոռ և շարունակել իր հոգևոր ծառայությունը, Մելիքյանն ասաց․ «Որոշումը դեռ չենք ստացել, երբ մեր ձեռքին լինի, ավելի մանրամասն կկարողանանք մեկնաբանել։ Հիմա միջոցներ ենք ձեռնարկում, որ հնարավորինս շուտ թղթաբանությունն ավարտենք և Արշակ Սրբազանը դուրս գա»։
Հասմիկ Սարգսյան
—00—ՄԱ