ԵՐԵՎԱՆ, ՄԱՐՏԻ 5, 24News
Երևանի քաղաքապետ Տիգրան Ավինյանը Կոնդ թաղամասի բնակիչների հետ քննարկել է տներին հարակից հողամասերի ու բնակելի նշանակության օժանդակ շինությունների նկատմամբ բնակիչների իրավունքների վերականգնմանն առնչվող հարցեր:
Թաղամասում ընդհանուր առմամբ գույքագրված է շուրջ 900 գույքային միավոր: Դրանց նկատմամբ իրավունքների վերականգնման կամ օրինականացման համար քաղաքապետարան մուտքագրված արդեն ավելի քան 670 դիմում կա:
Հիշեցնենք, որ Կոնդի վերակառուցման համար մրցույթ է հայտարարվել դեռ 2021-ին։ 3 տարի անց` 2024–ի փետրվարի 26-ին Ավինյանը հայտարարեց, որ Կոնդ թաղամասն ամբողջ ծավալով գնալու է իրացման և օտարման՝ նոր քաղաքաշինական ծրագիր իրականացնելու համար:
—00—ՄԱ