Տարածաշրջանում ներկայիս լարվածության ընթացքում Միացյալ Արաբական Էմիրությունները թույլ չեն տվել, որ իր տարածքը կամ օդային տարածքը օգտագործվի Իրանի դեմ որևէ հարձակման համար, չնայած Իսլամական Հանրապետության կողմից իրականացված բազմակի հարձակումներին։
Այս մասին հայտարարել է ԱՄԷ արտաքին գործերի նախարարությունը։
«ԱՄԷ-ն չի փոխել իր դիրքորոշումը՝ ի պատասխան Իրանի կողմից իրականացված բազմակի հարձակումների և թույլ չի տվել, որ իր տարածքը, օդային տարածքը կամ տարածքային ջրերը օգտագործվեն Իրանի դեմ որևէ հարձակման համար», – ասվում է ԱՄԷ արտաքին գործերի նախարարության հատուկ հայտարարության մեջ։
Արտաքին գործերի նախարարությունը նշել է, որ երկիրը հավատարիմ է բարիդրացիության քաղաքականությանը և փնտրում է տարածաշրջանում լարվածության թուլացման ուղիներ։ Արտգործնախարարության հայտարարության մեջ նշվում է, որ հակամարտության սկզբից ի վեր ԱՄԷ-ն ենթարկվել է ավելի քան հազար հարձակման Իրանի կողմից։