Աֆրիկայի ազգերի գավաթի խաղարկությունից հետո ՖԻՖԱ-ն այսօր՝ հունվարի 19-ին, հրապարակել է ազգային հավաքականների վարկանիշային աղյուսակի թարմացված տարբերակը։
Հայաստանի ազգային հավաքականը նախորդ անգամվա համեմատ բարելավել է դիրքերը մեկ հորիզոնականով և այժմ զբաղեցնում է 105-րդ հորիզոնականը։
Առաջին տեղում շարունակում է մնալ Իսպանիան։ Առաջատար տասնյակում հաջորդում են Արգենտինան, Ֆրանսիան, Անգլիան, Բրազիլիան, Պորտուգալիան, Նիդերլանդները, Մարոկկոն, Բելգիան և Գերմանիան։
Խորվաթիան նահանջել է 11-րդ հորիզոնական։ Սենեգալը, որը նվաճեց Աֆրիկայի ազգերի գավաթը, բարձրացել է 12-րդ հորիզոնական։
ՖԻՖԱ-ի թոփ-10 հավաքականները.
- Իսպանիա
- Արգենտինա
- Ֆրանսիա
- Անգլիա
- Բրազիլիա
- Պորտուգալիա
- Նիդերլանդներ
- Մարոկկո
- Բելգիա
- Գերմանիա