Ուժեղ բոց էր տվել, էլ փրկել չէր լինի. Էրեբունիում այրվել է միայնակ ապրող կնոջ վագոն-տնակը





Հունվարի 17-ին Էրեբունի վարչական շրջանի Ջրաշեն թաղամասի 3-րդ փողոցում վագոն-տնակ է այրվել, ինչի հետեւանքով միայնակ ապրող կինը կորցել է տունը։

NEWS.am-ի հետ զրուցում հրդեհի հետեւանքով տունը կորցրած կնոջ հարևանները պատմեցին, որ կինն իրենց տուն էր գնացել՝ օգնություն խնդրելու թակարդն ընկած մկան հեռացնելու հարցում։ Երբ միասին գնացել են վագոն-տնակ, տեսել են, որ տունն այրվում է։

«Մինչև հրշեջները եկան ու հրդեհը հանգցրիք, տան բոլոր իրերը՝ փող, փաստաթուղթ, հեռախոս, գույք վառվել էին։ Ուժեղ բոց էր տվել, էլ փրկել չէր լինի։ Տիկին Զվարթը միայնակ էր ապրում տնակում. տղան Ռուսաստանում է։ Հիմա ապրում է իր հետ աշխատող կնոջ տանը»,– ասաց հարևաններից մեկը։





դիտվել է 214 անգամ