«Զվարթնոց» միջազգային օդանավակայանի կայքից տեղեկանում ենք, որ Իրանից, ԱՄԷ-ից և Իսրայելից դեպի Երևան 6 չվերթ է չեղարկվել։
Մասնավորապես չեղարկվել է՝
-
1 չվերթ Թեհրանից (QeshmAir) -
2 չվերթ Շարժայից (AirArabia) -
1 չվերթ Աբու Դաբիից (AirArabia) -
1 չվերթ Դուբայից (FlyDubai) -
1 չվերթ չեղարկվել է Թել Ավիվից (FlyOne)։
Չեղարկվել են նաև Երևանից հետևյալ չվերթերը դեպի Թեհրան, Դուբայ, Շարժա և Աբու Դաբի՝
-
1 չվերթ դեպի Թեհրան (QeshmAir) -
2 չվերթ դեպի Դուբայ (FlyDubai) -
2 չվերթ դեպի Շարժա (AirArabia) -
1 չվերթ դեպի Աբու Դաբի (AirArabia):
Իսրայելա-ամերիկյան հարձակման հետևանքով սպանվել է Իրանի գերագույն առաջնորդ Ալի Խամենեին և բարձրաստիճան այլ պաշտոնյաներ։ Երկրում 40-օրյա սուգ է հայտարարվել:
Իրանի փոխնախագահը հայտնել է, որ գերագույն առաջնորդի պարտականությունները ժամանակավորապես կկատարեն նախագահը, դատական իշխանության ղեկավարը և Սահմանադրության պահապանների խորհրդի անդամներից մեկը:
Իսլամական հեղափոխության պահապանների կորպուսը հայտարարել է «ամենակատաղի հարձակողական գործողության» մեկնարկի մասին. ԱՄՆ նախագահը նախազգուշացրել է Իրանին՝ զերծ մնալ պատասխան հարվածներից:
Մերձավորարևելյան լարվածության ֆոնին Հայաստանի ԱԳՆ-ից հայտնում են, որ այս պահին զոհերի շրջանում ՀՀ քաղաքացիների լինելու վերաբերյալ տեղեկություններ չկան:
Դիտումների քանակ3