Դեռ կտեսնենք անկանխատեսելի աշխարագրությամբ պատերազմ. փորձագետը՝ Իրանի շուրջ վիճակի մասին

by

https://arm.sputniknews.ru/20260301/der-ktesnenq-ankankhateseli-ashkharagrutjamb-paterazm-pvordzagety-irani-shurj-vitshaki-masin-99324572.html

media@sputniknews.com

+74956456601

MIA „Rossiya Segodnya“

2026

Sputnik Արմենիա

media@sputniknews.com

+74956456601

MIA „Rossiya Segodnya“

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

https://cdn.am.sputniknews.ru/img/07e7/03/14/56978496_301:63:1587:1028_1920x0_80_0_0_f63482843d20f91c9ec93b26ecefa65f.jpg.webp

Sputnik Արմենիա

media@sputniknews.com

+74956456601

MIA „Rossiya Segodnya“

արմեն պետրոսյան, իրանի իսլամական հանրապետություն, մերձավոր արևելք, հայաստան, պատերազմ

արմեն պետրոսյան, իրանի իսլամական հանրապետություն, մերձավոր արևելք, հայաստան, պատերազմ

Բաժանորդագրվել

Արևելագետը կարծում է, որ Հայաստանի համար, Մերձավոր Արևելքում ստեղծված իրավիճակով պայմանավորված, և՛ հումանիտար, և՛ լոգիստիկ խնդիրներ են լինելու:

ԵՐԵՎԱՆ, 1 մարտի – Sputnik. ԱՄՆ-ի և Իսրայելի նպատակն Իրանում վարչակարգի փոփոխությունն է, ուստի դեռ հնարավոր են անկանխատեսելի աշխարհագրությամբ պատերազմ և անկանխատեսելի հետևանքներ: Այս մասին Sputnik Արմենիայի հետ զրույցում ասաց արևելագետ Արմեն Պետրոսյանը՝ անդրադառնալով Իրանում և Մերձավոր Արևելքում տիրող իրավիճակին հատկապես հոգևոր առաջնորդի սպանության ֆոնին:
Իրանի պետական հեռուստատեսությունը հաստատել է ԱՄՆ-Իսրայել հարձակման հետևանքով երկրի գերագույն առաջնորդ այաթոլլա Ալի Խամենեիի մահվան մասին տեղեկությունը: Տեղական լրատվամիջոցները հայտնում են, որ նա սպանվել է փետրվարի 28-ի առավոտյան իր գրասենյակում:

«Կողմերից յուրաքանչյուրը գնում է իր համար վերջնարդյունքների հետևից: Միացյալ Նահանգների և Իսրայելի նպատակը վարչակարգի փոփոխությունն է, հետևաբար մենք դեռ ականատես ենք լինելու պատերազմական գործողությունների անկանխատեսելի աշխարհագրությամբ, անկանխատեսելի հետևանքներով, ինչպես նաև անկանխատեսելի ժամանակահատվածով: Մյուս կողմից, եթե Իրանի համար վերջնանպատակը վարչակարգի պահպանումն է, ապա այն գործելու է այնքան, որքան դրա հնարավորությունը կլինի: Իրանի հոգևոր առաջնորդի և առանցքային պաշտոնյաների սպանություններն էականորեն թուլացրել է վարչակարգը, բայց վստահաբար իրանական կողմը պատրաստվել էր այս ամենին դեռ 2025 թվականի հուլիսյան պատերազմից հետո: Սա երևում է սպանված պաշտոնյաներին արագ փոխարինելու գործընթացից»,- ասաց Պետրոսյանը:

Արևելագետը նաև վստահեցրեց՝ Իրանում 2025 թվականի վերջին ու 2026 թվականի սկզբին տեղի ունեցած բողոքի ցույցերի ֆոնին է, որ հենց հիմա կրկին պատերազմ սկսվեց երկրի դեմ: Նրա խոսքով՝ Իսրայելն ու ԱՄՆ-ն ուղիղ ներխուժման ցամաքային գործողության պլաններ չունեն, երկրի ներսում հիմնական գործընթացնեի պատասխանատվությունն էլ թողնում են ժողովրդական-հասարակական տարբեր խմբերի վրա:

Ըստ Պետրոսյանի՝ Իրանում այաթոլլա Ալի Խամենեիի սպանության հետևանքով, հասարակության բևեռացում է տեղի ունենալու՝ գործող վարչախմբի շուրջ և նույն այդ վարչախմբի դեմ: Միևնույն ժամանակ շեշտեց՝ քանի դեռ ակտիվ ռազմական գործողություններ են, կոնսոլիդացիաներն այն արդյունավետությունը չեն ունենալու, որոնք ուղղված կլինեն երկրի ներսում իրավիճակ փոխելուն:

Արևելագետի պնմդամբ՝ երկրի ներսում առաջիկա օրերին ականատես չենք լինի բովանդակային փոփոխությունների:

Հայաստանի համար ստեղծված իրավիճակում, ըստ Պետրոսյանի, և՛ հումանիտար, և՛ լոգիստիկ խնդիրներ են լինելու, սակայն անվտանգային մարտահրավեր այս պահին չկա:

Leave a comment