Իրանի գերագույն առաջնորդ Ալի Խամենեին մահացել է
ԵՐԵՎԱՆ, 1 մարտի․/Նովոստի-Արմենիա/․ Իրանի գերագույն առաջնորդ Ալի Խամենեին մահացել է: Այս տեղեկությունը հաստատել է իսլամական հանրապետության պետական հեռուստատեսությունը։ Այս մասին հայտնում է Տասս-ը։
«Իրանի հոգևոր գերագույն առաջնորդ Ալի Խամենեին նահատակվել է», – ասվում է Իրանի պետական հեռուստատեսության Telegram ալիքով հրապարակված հաղորդագրության մեջ։
Այլ մանրամասներ առայժմ չեն հաղորդվում։
Իսրայելը շաբաթ կանխարգելիչ հարված է հասցրել Իրանին: ԱՄՆ նախագահ Դոնալդ Թրամփը հայտարարել է ամերիկյան ԶՈՒ-ի կողմից Իրանում լայնածավալ մարտական գործողությունների մեկնարկի մասին՝ նպատակ ունենալով «պաշտպանել ամերիկացի ժողովրդին՝ վերացնելով իրանական վարչակարգից բխող անմիջական սպառնալիքները»:
Նա հայտնել է Իրանի հրթիռային արդյունաբերությունն ու ռազմածովային նավատորմը ոչնչացնելու, ինչպես նաև Թեհրանի կողմից միջուկային զենքի ձեռքբերումը բացառելու ծրագրերի մասին: Ավելի ուշ իսրայելական աղբյուրները հայտնել են, որ Իրանը հրթիռներ է արձակել Իսրայելի և տարածաշրջանում ամերիկյան բազաների ուղղությամբ: