Քաղաքականություն
27.02.2026 | 14:57
Ռուսական զորքերը փետրվարի 27-ի գիշերը հարվածներ են հասցրել Օդեսայի մարզի քաղաքացիական և նավահանգստային ենթակառուցվածքներին, հայտնել է տարածաշրջանային ռազմական վարչակազմի ղեկավար Օլեգ Կիպերը։
Նրա խոսքով՝ հարձակման հետևանքով վիրավորվել է 3 տարեկան մի աղջիկ և 44-ամյա մի տղամարդ, երկուսն էլ հոսպիտալացվել են միջին ծանրության վիճակում։
Փետրվարի 27-ի առավոտյան ռուսական ուժերը հարված են հասցրել Սումիի կենտրոնում գտնվող հյուրանոցին: Շրջանային ռազմական վարչակազմի ղեկավար Օլեգ Գրիգորովի խոսքով՝ Ռուսաստանը երկրորդ հարվածն է հասցրել առաջին հարվածից հետո, երբ փրկարարները աշխատում էին տեղում: Ոչ ոք չի տուժել, մոտ 50 մարդ տարհանվել է հյուրանոցից:
Ուկրաինայի ռազմաօդային ուժերի տվյալներով՝ Ռուսաստանը փետրվարի 27-ի գիշերը Ուկրաինայի ուղղությամբ արձակել է 187 անօդաչու թռչող սարք, որոնցից 165-ը խոցվել է։ Գրանցվել է 20 անօդաչու թռչող սարքի հարված 14 վայրերում։
Թարգմանությունը Էմմա Չոբանյանի