7 միլիոնից էլ բարձր թոշակ կա՞: Նման հայտարարությամբ է հանդես եկել «Լուսավոր Հայաստան» կուսակցության ղեկավար Էդմոն Մարուքյանը։
«Մի բան էլ՝ կենսաթոշակների բարձրացման լավ լուրի հետ կապված։
Երեկ Նիկոլ Փաշինյանը հայտարարեց.
«Ապրիլի 1-ից համեմատաբար ցածր կենսաթոշակները կբարձրանան 10 հազար դրամով, իսկ համեմատաբար բարձր կենսաթոշակները՝ ավելի քիչ»։
Հիմա մարդիկ տարակուսած հարցնում են, թե ի՞նչ է նշանակում «բարձր կենսաթոշակները՝ ավելի քիչ»։
Այսինքն՝ նախարարի ամանորյա 7 մլն դրամ պարգևավճարը բարձր չի համարվել, իսկ ինչ-որ թոշակառուի կենսաթոշակը արդեն այնքան բարձր է, որ այն ամբողջությամբ բարձրացնելու անհրաժեշտություն էլ չկա՞»,– ասել է Էդմոն Մարուքյանը։