Երևանում և Վանաձորում փոշու պարունակությունը գերազանցել է սահմանային թույլատրելի կոնցենտրացիան

ԵՐԵՎԱՆ, 25 փետրվարի․/Նովոստի-Արմենիա/․ Երևանում և Վանաձորում փոշու պարունակությունը գերազանցել է սահմանային թույլատրելի կոնցենտրացիան, հայտնում է Հիդրոօդերևութաբանության և մոնիթորինգի կենտրոնը։

Երևանի մթնոլորտային օդում փոշու պարունակությունը փետրվարի 17-23-ը գերազանցել է սահմանային թույլատրելի կոնցենտրացիան հետևյալ վարչական շրջաններում.

-Կենտրոնում՝ ամբողջ շաբաթ,

-Շենգավիթում` փետրվարի 19-ին և 23-ին,

-Նոր Նորքում՝ փետրվարի 18-19-ը և 22-ին,

-Արաբկիրում՝ փետրվարի 22-ին։

Նշվում է, որ ազոտի և ծծմբի երկօքսիդների պարունակությունները չեն գերազանցել սահմանային թույլատրելի կոնցենտրացիաները։

Վանաձոր քաղաքում մթնոլորտային օդում փոշու պարունակությունը փետրվարի 14-20-ը գերազանցել է սահմանային թույլատրելի կոնցենտրացիան հետևյալ վայրերում․

-Ծատուրյան փողոցի հարակից տարածք՝ փետրվարի 18-ին և 20-ին,

-Վարդանանց փողոցի հարակից տարածք՝ փետրվարի 19-ին,

-Հերացի փողոցի հարակից տարածք՝ չի գերազանցել։